O‘qituvchilar – o‘quvchilarga faqat bilim beruvchi ustoz emas, balki o‘z sohasining haqiqiy mutaxassislari hamdir. Endi O‘zbekistonning barcha o‘qituvchilari o‘z bilimlari, metodikalari va g‘oyalari bilan butun mamlakatdagi hamkasblari bilan bo‘lishishlari mumkin. eMaktab platformasida yangi – «Jamoalar» bo‘limi paydo bo‘ldi. Bu yerda har bir pedagog o‘z shaxsiy blogini yaratib, boshqa o‘qituvchilarni ilhomlantirishi mumkin.
O‘qituvchilar o‘z jamoalarini yuritish orqali nimalarga ega bo‘ladi?
- Shaxsiy blog – metodik ishlanmalar, dars ssenariylari va ijodiy topshiriqlarni taqdim etish imkoniyati.
- Hamkasblar bilan muhokama qilish, maslahatlar olish va foydali materiallar bilan almashish imkoni.
- Tashqaridan foydalanuvchilar kira olmaydigan xavfsiz va qulay muhit.
- Attestatsiya va ochiq darslarni o‘tkazish bo‘yicha tajriba almashish maydonchasi.
Nima uchun aynan hozir jamoa yaratish kerak?
O‘qituvchi – asosiy muallif, u o‘z materiallarini o‘zbek yoki rus tilida taqdim etishi, tahrirlashi va izohlarni moderatsiya qilishi mumkin. Bu juda oson va tez bo‘ladigan jarayon: platforma intuitiv tushunarli qilib yaratilgan, jamoa yaratish uchun esa atigi bir necha daqiqa kifoya boʻladi. Jamoa-blogda o‘qituvchilar o‘z metodikalari, dars rejalari, ijodiy topshiriqlar ssenariylari bilan bo‘lishishlari, savol berishlari yoki yordam so‘rab murojaat qilishlari mumkin. Masalan, psixolog va logopedlar o‘quvchilar bilan muloqot qilish uchun o‘z maydonini yaratib, ijodiy topshiriqlar, rasmlar va fayllar yuklashlari mumkin.
Qanday boshlash mumkin?
Havola orqali kirib o‘z jamoangizni yarating.
Hamkasblaringizni taklif qiling – muhim mavzularni muhokama qiling, foydali materiallar bilan bo‘lishing. Bu yerda qanday taklif qilish kerakligi koʻrsatilgan.
Nashr etishni boshlang – bu yerda materiallarni qanday yaratish va bezatish bo‘yicha yo‘riqnoma berilgan.
Endi har bir o‘qituvchi blogerlikni sinab ko‘rishi, o‘z tajribasi bilan bo‘lishishi va eMaktab bilan birga raqamli kontent yulduziga aylanishi mumkin!
Yo‘riqnoma: Jamoa yaratish
Yo‘riqnoma: Jamoa sahifasida qanday ishlash kerak?
Yo‘riqnoma: Hamkasblarni jamoaga qanday taklif qilsa bo‘ladi?